საქართველოში მცირე საოჯახო ტიპის სახლების განვითარების მხარდაჭერა
2013
დედათა და ბავშვთა თავშესაფარი ემსახურება ბავშვთა მიტოვების პრევენციას და ხელს უწყობს თავშესაფარში განთავსებული მარტოხელა ახალგაზრდა დედების გაძლიერებას, რათა მათ თავშესაფრიდან გასვლის შემდგომ დამოუკიდებლად შეძლონ უსაფრთხო გარემოში ბავშვ(ებ)ზე სათანადოდ ზრუნვა.
2012-2013 წლებში, საქართველოში გაეროს ბავშვთა ფონდის (UNICEF) ფინანსური დახმარებით განხორციელდა პროექტი - „საქართველოში მცირე საოჯახო ტიპის სახლების განვითარების მხარდაჭერა“, რომელიც ითვალისწინებდა მცირე საოჯახო ტიპის სახლების მომსახურების მიმწოდებელი ორგანიზაციების ასოციაციის ჩამოყალიბებას.
ნიშანდობლივია აღინიშნოს, რომ ასოციაცია აერთიანებს 10-ზე მეტ სამოქალაქო საზოგადოების ორგანიზაციას და მრავალი წელია ადვოკატობას ეწევა საქართველოში მცირე საოჯახო ტიპის სახლების მომსახურების ხარისხის გაუმჯობესების საკითხებზე.
მსგავსი პროგრამები
საქართველოში ადგილობრივი თემისა და პარტნიორების გაძლიერებით, სოციალურად დაუცველი ბავშვიანი ოჯახების სოციალური და ეკონომიკური ფუნქციონირების გაუმჯობესება
გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის ფინანსური მხარდაჭერით, საქართველოს ეს-ო-ეს ბავშვთა სოფელი ახორციელებს 46-თვიან პროექტს - „საქართველოში ადგილობრივი თემისა და პარტნიორების გაძლიერებით, სოციალურად დაუცველი ბავშვიანი ოჯახების სოციალური და ეკონომიკური ფუნქციონირების გაუმჯობესება“ (2024-2028წწ). პროექტის ადგილობრივ პარტნიორ ორგანიზაციას წარმოადგენს „ჯვარის სათემო განათლების ცენტრი“.
2024-2028
ახალგაზრდების თვითგამორკვევის, კეთილდღეობისა და დასაქმების ხელშეწყობა
გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის დაფინანსებით, მიმდინარეობს 38-თვიანი პროექტი - „ახალგაზრდების თვითგამორკვევის, კეთილდღეობისა და დასაქმების ხელშეწყობა“ (2022-2025წწ.). პროექტი ხორციელდება საქართველოს ეს-ო-ეს ბავშვთა სოფლის, ბელარუსის ეს-ო-ეს ბავშვთა სოფლისა და ყირგიზეთის ეს-ო-ეს ბავშვთა სოფლის მიერ.
2022-2025
ჯანსაღი ცხოვრების წესის პოპულარიზაცია ზუგდიდის მუნიციპალიტეტში
2017 წელს, ავსტრიის სპორტის სამინისტროს ფინანსური მხარდაჭერით განვითარდა პროექტი - „ჯანსაღი ცხოვრების წესის პოპულარიზაცია ზუგდიდის მუნიციპალიტეტში“, რომელიც მიზნად ისახავს ზუგდიდის მუნიციპალიტეტის სოფელ ინგირში სპორტული ინფრასტრუქტურის (სპორტული და სათამაშო მოედნები) განვითარებას, ამავე თემში მცხოვრები აფხაზეთიდან დევნილი ბავშვების მიერ ჯანსაღი ცხოვრების წესის დაცვისა და განმტკიცების მიზნით.
2017