საქართველოში ადგილობრივი თემისა და პარტნიორების გაძლიერებით, სოციალურად დაუცველი ბავშვიანი ოჯახების სოციალური და ეკონომიკური ფუნქციონირების გაუმჯობესება
2024-2028
პროექტი მიზნად ისახავს წალენჯიხის მუნიციპალიტეტის თემში, კერძოდ, ქ. ჯვარსა და სოფელ ფოცხოეწერში მცხოვრები როგორც 120 მოწყვლადი ბავშვიანი ოჯახის სოციალური ფუნქციონირების გაუმჯობესებას, ისე ბავშვთა კეთილდღეობის სფეროში მომუშავე ადგილობრივი სამთავრობო და არასამთავრობო ორგანიზაციების გაძლიერებას, რათა ხელი შეეწყოს წალენჯიხის მუნიციპალიტეტში ოჯახის მხარდამჭერი სისტემის გაუმჯობესებას.
პროექტის ფარგლებში დაგეგმილია წალენჯიხის მუნიციპალიტეტის ტერიტორიაზე მოქმედ ექვს საგანმანათლებლო საჯარო სკოლასთან თანამშრომლობა, რათა ხელი შეეწყოს ცნობიერების ამაღლებას ბავშვთა უფლებების დაცვის, მათ შორის, ძალადობისგან დაცვის საკითხებზე.
მსგავსი პროგრამები
ახალგაზრდების გაძლიერება წარმატებისთვის
2018 წელს, გერმანიის საგარეო საქმეთა სამინისტროსა და გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით, საქართველოს ეს-ო-ეს ბავშვთა სოფელმა, ჰერმან გმაინერის გერმანიის ფონდთან და World Vision საქართველოსთან პარტნიორობით განახორციელა პროექტი - „ახალგაზრდების გაძლიერება წარმატებისთვის“.
2018
მოწყვლადი ოჯახების ფსიქო-სოციალური დახმარება და ეკონომიკური გაძლიერება ზუგდიდის მუნიციპალიტეტში
2017-2019 წლებში, ავსტრიის განვითარების სააგენტოს, ავსტრიის ეს-ო-ეს ბავშვთა სოფელსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ფინანსური მხარდაჭერით, განხორციელდა პროექტი - “მოწყვლადი ოჯახების ფსიქო-სოციალური დახმარება და ეკონომიკური გაძლიერება ზუგდიდის მუნიციპალიტეტში“, რომელიც ითვალისწინებდა სოციალურად დაუცველი ოჯახების დახმარებას, მათი შვილების უსაფრთხო და მზრუნველ გარემოში აღზრდა-განვითარების მიზნით.
2017-2019
ახალგაზრდების თვითგამორკვევის, კეთილდღეობისა და დასაქმების ხელშეწყობა
გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის დაფინანსებით, მიმდინარეობს 38-თვიანი პროექტი - „ახალგაზრდების თვითგამორკვევის, კეთილდღეობისა და დასაქმების ხელშეწყობა“ (2022-2025წწ.). პროექტი ხორციელდება საქართველოს ეს-ო-ეს ბავშვთა სოფლის, ბელარუსის ეს-ო-ეს ბავშვთა სოფლისა და ყირგიზეთის ეს-ო-ეს ბავშვთა სოფლის მიერ.
2022-2025