ოჯახების გაძლიერების პროგრამაში ვმუშაობთ ბავშვიან ოჯახებთან, რომლებიც დგანან ფსიქო-სოციალური თუ ეკონომიკური სირთულეების წინაშე და სჭირდებათ მხარდაჭერა, რომ ბავშვები ჯანსაღ და უსაფრთხო გარემოში აღზარდონ. ესენი არიან თემში მცხოვრები ბავშვიანი ოჯახები, ან იმ ბავშვების ოჯახები, რომლებიც იმყოფებიან სახელმწიფო ზრუნვის სისტემაში და ესაჭიროებათ მხარდაჭერა ბავშვების ოჯახში დაბრუნების (რეინტეგრაციის) პროცესში. ამ ოჯახებთან მუშაობისას ვიყენებთ ჰოლისტურ, კომპლექსურ და ოჯახის ინდივიდუალურ საჭიროებებზე მაქსიმალურად მორგებულ მომსახურებებს: - ფსიქოლოგიური მომსახურება მოიცავს ინდივიდუალურ და ჯგუფურ ფსიქო კონსულტირებასა და თერაპიულ ჩარევას როგორც ბავშვებთან, ასევე, აღმზრდელებსა და ოჯახის სხვა წევრებთან. - სოციალური მუშაობის მომსახურება მოიცავს პროექტის სოციალური მუშაკის მიერ ოჯახის მხარდაჭერას პროექტში შემოსვლიდან - პროექტიდან გასვლამდე, ოჯახის საჭიროებებისა და ძლიერი მხარეების შეფასებას, ოჯახთან ერთად დასახული გეგმის განხორციელებას, ოჯახის საჭიროებების დაცვას სათემო და სახელმწიფო უწყებებთან, ასევე, ოჯახების თანადგომის ქსელის გამრავალფეროვნებას. - ეკონომიკური გაძლიერების მიმართულება გულისხმობს დასაქმების სპეციალისტის მხარდაჭერით. - ღია ბაზარზე დასაქმებისა და თვითდასაქმების ხელშეწყობას, პროფესიის შეძენაში მხარდაჭერას, საკუთარი მცირე სამეწარმეო საქმიანობის დაწყებაში დახმარებასა და რეგიონებში სოფლის მეურნეობის განვითარებაში ხელშეწყობას. - პოზიტიური მშობლობის უნარების განვითარებაზე მიმართული პროგრამები ფოკუსირებულია მშობლების მხარდაჭერასა და პოზიტიური მშობლობის უნარების განვითარებაზე საერთაშორისო პროგრამების გამოყენებით, რომლებიც საქართველოს რეალობაზეა მორგებული („ძლიერი მშობლები, ძლიერი ბავშვები“ და „მშობლობა ძალადობის გარეშე“). - საყოფაცხოვრებო ნივთებით მხარდაჭერა გულისხმობს საჭიროების შემთხვევაში, ოჯახების მხარდაჭერას ავეჯით, აუცილებელი საყოფაცხოვრებო ნივთებით, საკვებითა და ა.შ.

სახელმწიფო ზრუნვაში მყოფი ბავშვების რეინტეგრაციის ხელშეწყობა ოჯახის გაძლიერების პროგრამის უმნიშვნელოვანესი ნაწილია და სახელმწიფოსთან მჭიდრო თანამშრომლობით ხორციელდება.

რეინტეგრაციის ხელშეწყობა იწყება ოჯახის ფსიქო-სოციალური და ეკონომიკური გაძლიერებით მანამ, სანამ ბავშვი ჯერ კიდევ სახელმწიფო ზრუნვის სისტემაშია. ოჯახის სათანადოდ შემზადებისა და სახელმწიფოს გადაწყვეტილებით ბავშვის ოჯახში დაბრუნების შემდეგ, გრძელდება ბავშვისა და ბიოლოგიური ოჯახის ურთიერთობის ხელშეწყობა და ბავშვისთვის უსაფრთხო ფიზიკური და ემოციური გარემოს შექმნასა და შენარჩუნებაზე მუშაობა. ბავშვის ბიოლოგიურ ოჯახში რეინტეგრაციის ხელშეწყობის ფარგლებში, ბავშვი და ოჯახი იღებენ მრავალფეროვან, კომპლექსურ და მათ საჭიროებებზე მორგებულ მომსახურებებს, რომლებიც მოიცავს ოჯახის გაძლიერების მომსახურების ყველა კომპონენტს:

ფსიქოლოგიური, სოციალური მუშაობის, ეკონომიკური გაძლიერების, საყოფაცხოვრებო ნივთებით დახმარებისა და სხვა. განსაკუთრებული ყურადღება ექცევა ოჯახის გაძლიერებას პოზიტიური მშობლობის უნარების განვითარებისა და ძალადობისა პრევენციაზე მუშაობის თვალსაზრისით.

ეს არის 24-საათიანი მომსახურება, რომელიც განკუთვნილია ორსული და ბავშვიანი ქალებისთვის, რომლებსაც სხვადასხვა სირთულის გამო ესაჭიროებათ გაძლიერება. მომსახურება ითვალისწინებს შემდეგი სახის მხარდაჭერას:

1. უსაფრთხო გარემოთი უზრუნველყოფა;

2. სრულფასოვანი კვებით, ტანსაცმლითა და პირადი ჰიგიენის ნივთებით უზრუნველყოფა;

3. მშობლის პროფესიული განათლებისა და დასაქმების/თვითდასაქმების ხელშეწყობა;

4. აუცილებელი სამედიცინო მომსახურებით უზრუნველყოფა;

5. სოციალური მუშაობისა და ფსიქოლოგიური მომსახურებების (ინდივიდუალური და ჯგუფური) მიწოდება მშობლებისა და ბავშვებისთვის;

6. პოზიტიური მშობლობის უნარების განვითარებაში მშობლების მხარდაჭერა მტკიცებულებაზე დაფუძნებული საერთაშორისო და საქართველოს რეალობაზე მორგებული პროგრამების („ძლიერი მშობლები, ძლიერი ბავშვები“ და „მშობლობა ძალადობის გარეშე“) გამოყენებით;

7. ოჯახის თანადგომის ქსელის გაძლიერებაზე მუშაობა. ამჟამად, ორგანიზაციაში ფუნქციონირებს დედათა და ბავშვთა 4 თავშესაფარი, მათგან 2 თბილისში და 2 ქუთაისში.

მომსახურების მიზანია შეზღუდული შესაძლებლობის, განვითარების დარღვევის ან მსგავსი რისკის წინაშე მყოფი ბავშვების განვითარების სტიმულირება და მათი ოჯახების გაძლიერება.

გარდა ამისა, პროგრამა ხელს უწყობს ბავშვების ჩართვას სკოლამდელ და ზოგადსაგანმანათლებლო პროგრამებში, ასევე მათი სოციალური ინტეგრაციის პროცესს. ბავშვთა ადრეული განვითარების პროგრამა ხორციელდება სახელმწიფოსთან თანამშრომლობით და მოიცავს როგორც ბავშვის განვითარების შეფასებას, ისე ინდივიდუალური გეგმის შედგენას ოჯახის ჩართულობით. მუშაობა ხორციელდება ბავშვის ბუნებრივ გარემოში და/ან ცენტრში. პროგრამის მიზანია:

● კოგნიტიური, მოტორული, კომუნიკაციური და ემოციური უნარების განვითარება,

● განვითარების შეფერხების პრევენცია,

● მშობლების განათლება და გაძლიერება ბავშვის აღზრდისა და განვითარების საკითხებში.

ორგანიზაციაში ფუნქციონირებს სხვადასხვა ასაკობრივი ჯგუფის ბავშვებისთვის განკუთვნილი 2 დღის ცენტრი:

1. დღის ცენტრი ქუთაისში: დღის ცენტრი განკუთვნილია 1-3 წლის ასაკის ბავშვებისთვის მოწყვლადი ოჯახებიდან. ძირითადად, აქ მოიაზრებიან მარტოხელა მშობლები, დედათა და ბავშვთა თავშესაფრიდან გასული მშობლები და ა.შ. დღის ცენტრში უზრუნველყოფილია ბავშვისთვის უსაფრთხო ემოციური და ფიზიკური გარემო, რომელიც ხელს უწყობს მის მრავალმხრივ განვითარებას. ასევე უზრუნველყოფილია სრულფასოვანი კვება და ჰიგიენის ნივთები. ოჯახის გაძლიერების პროგრამის ფარგლებში, დღის ცენტრით მოსარგებლე ბავშვების მშობლებთან აქტიურად მიმდინარეობს მუშაობა პოზიტიური მშობლობის უნარების განვითარებაზე. დღის ცენტრის მომსახურება ხორციელდება ქუთაისის მუნიციპალიტეტის მერიასთან თანამშრომლობით.

2. დღის ცენტრი ზუგდიდში: დღის ცენტრი განკუთვნილია 6-18 წლის ასაკის ბავშვებისთვის სოციალურად მოწყვლადი ოჯახებიდან. დღის ცენტრში ბავშვები იღებენ სხვადასხვა მომსახურებას: ორჯერადი ჯანსაღი კვება, სოციალურ-ემოციური და პროფესიული უნარების განვითარება, აკადემიური და არაფორმალური განათლების მხარდაჭერა, ასევე, კულტურულ-საგანმანათლებლო ღონისძიებებში მონაწილეობის შესაძლებლობა. დღის ცენტრის მომსახურება ხორციელდება სახელმწიფოსთან თანამშრომლობით

მისი მიზანია საზოგადოების ცნობიერების ამაღლება ბავშვიანი ოჯახების საჭიროებებისა და მათი მხარდაჭერის გზების შესახებ, ასევე — იმ პროფესიული შესაძლებლობების გაძლიერება, რომლებიც ბავშვთა კეთილდღეობაზე პასუხისმგებელ უწყებებს ეხმარება ამ საჭიროებების უკეთ დაკმაყოფილებაში. პროგრამის ფარგლებში სამიზნე მუნიციპალიტეტებში ტარდება ტრენინგები, სემინარები და სამუშაო შეხვედრები, რომლებიც მიმართულია ბავშვთა კეთილდღეობის სფეროში მომუშავე პროფესიონალების გაძლიერებისკენ. აქტუალური თემები მოიცავს:

● პოზიტიურ მშობლობას (მტკიცებულებაზე დაფუძნებული, საერთაშორისო და ადგილობრივ კონტექსტზე მორგებული პროგრამები: „ძლიერი მშობლები – ძლიერი ბავშვები“ და „მშობლობა ძალადობის გარეშე“);

● ბავშვზე ძალადობის პრევენციას;

● ბავშვის უფლებებს;

● რთული ქცევის მართვას;

● ახალგაზრდების ცხოვრებისეული და დასაქმების უნარების განვითარებას (“Next Economy“ — მტკიცებულებაზე დაფუძნებული პროგრამა);

● გენდერულ თანასწორობას და ოჯახში/გენდერული ნიშნით ძალადობის საკითხებს.