პარტნიორული
პროექტები
საქართველოში მცირე საოჯახო ტიპის სახლების განვითარების მხარდაჭერა
2013 წელს, საქართველოში გაეროს ბავშვთა ფონდის (UNICEF) ფინანსური დახმარებით განვითარდა დედათა და ბავშვთა თავშესაფრის მომსახურება, რომლის დანიშნულებაა მიტოვების რისკის წინაშე მყოფი ბავშვების დედების (მარტოხელა ახალგაზრდა მშობლები) და მათი 10 წლამდე ასაკის შვილების თავშესაფრითა და სხვადასხვა სახის მომსახურებით უზრუნველყოფა, მათი სოციალური ფუნქციონირების გაუმჯობესების მიზნით.
2013
ზუგდიდის მუნიციპალიტეტში მცხოვრები მოწყვლადი ოჯახის ფსიქო-სოციალური და ეკონომიკური გაძლიერება
2013-2016 წლებში, გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის ფინანსური დახმარებით, საქართველოს ეს-ო-ეს ბავშვთა სოფლის მიერ განხორციელდა პროექტი - „ზუგდიდის მუნიციპალიტეტში მცხოვრები მოწყვლადი ოჯახის ფსიქო-სოციალური და ეკონომიკური გაძლიერება“.
2013-2016
იმერეთის რეგიონში მცხოვრები 230 მოწყვლადი ოჯახის ფსიქო-სოციალური და ეკონომიკური გაძლიერება
2016-2019 წლებში, გერმანიის ეკონომიკური თანამშრომლობისა და განვითარების ფედერალური სამინისტროსა და ჰერმან გმაინერის გერმანიის ფონდის ფინანსური დახმარებით, საქართველოს ეს-ო-ეს ბავშვთა სოფლის მიერ განხორციელდა პროექტი - „იმერეთის რეგიონში მცხოვრები 230 მოწყვლადი ოჯახის ფსიქო-სოციალური და ეკონომიკური გაძლიერება“.
2016-2019
ჯანსაღი ცხოვრების წესის პოპულარიზაცია ზუგდიდის მუნიციპალიტეტში
2017 წელს, ავსტრიის სპორტის სამინისტროს ფინანსური მხარდაჭერით განვითარდა პროექტი - „ჯანსაღი ცხოვრების წესის პოპულარიზაცია ზუგდიდის მუნიციპალიტეტში“, რომელიც მიზნად ისახავს ზუგდიდის მუნიციპალიტეტის სოფელ ინგირში სპორტული ინფრასტრუქტურის (სპორტული და სათამაშო მოედნები) განვითარებას, ამავე თემში მცხოვრები აფხაზეთიდან დევნილი ბავშვების მიერ ჯანსაღი ცხოვრების წესის დაცვისა და განმტკიცების მიზნით.
2017
მოწყვლადი ოჯახების ფსიქო-სოციალური დახმარება და ეკონომიკური გაძლიერება ზუგდიდის მუნიციპალიტეტში
2017-2019 წლებში, ავსტრიის განვითარების სააგენტოს, ავსტრიის ეს-ო-ეს ბავშვთა სოფელსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ფინანსური მხარდაჭერით, განხორციელდა პროექტი - “მოწყვლადი ოჯახების ფსიქო-სოციალური დახმარება და ეკონომიკური გაძლიერება ზუგდიდის მუნიციპალიტეტში“, რომელიც ითვალისწინებდა სოციალურად დაუცველი ოჯახების დახმარებას, მათი შვილების უსაფრთხო და მზრუნველ გარემოში აღზრდა-განვითარების მიზნით.
2017-2019
ახალგაზრდების გაძლიერება წარმატებისთვის
2018 წელს, გერმანიის საგარეო საქმეთა სამინისტროსა და გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით, საქართველოს ეს-ო-ეს ბავშვთა სოფელმა, ჰერმან გმაინერის გერმანიის ფონდთან და World Vision საქართველოსთან პარტნიორობით განახორციელა პროექტი - „ახალგაზრდების გაძლიერება წარმატებისთვის“.
2018
გაიგე მეტი ორგანიზაციისა და პროგრამების შესახებ
გამოიწერე ელექტრონული წერილები სიახლეებსა და ორგანიზაციის საქმიანობის შესახებ.